Eit dikt som kan brukast som ord for dagen.

For å setje tankane i sving.

Om alle tre var like,
og alle blomar blå.
Og alle fuglar svarte,
og alle dyra grå. –
Det trur eg ville gjera
oss meir enn vondt å sjå.

Om vi var like store,
og gjekk i like klær.
Og om vi alltid hadde
kvar dag det same vêr. –
Det ville vera meire
enn trist å leva her.

Om alle hus var like,
med same mat på bord.
Og om vi tala saman
alltid det same ord. –
Då vart det liten trivnad
her nede på vår jord.

Nei, dette rike mangfald
vi kringom oss kan sjå,
av ymse dyr og fuglar
og tre og blom og strå. –
At alt er skapt så ulikt,
er godt å tenkje på.

Jan Magnus Bruheim